KAZ Minerals құрамында карьерлер, жерасты кеніштері, Қазақстан мен Қырғызстанда өндірілетін мыс кенін байытатын фабрикалары бар.

KAZ Minerals - Қазақстандағы ең ірі мыс өндіруші, карьерлік типтегі ауқымды, төмен шығынды өндірісті дамытуға бағытталған жоғары өсу әлеуеті бар мыс өндіруші компания.

Топтың операциялық іс-қызметі:
- Ақтоғай, Шығыс Қазақстандағы ашық түрдегі кен орын
- Бозшакөл, Павлодар облысындағы ашық түрдегі кен орын
- Шығыс Қазақстандағы үш кеніш: Артемьев, Орлов, Ертіс кеніштері
- Шығыс Қазақстандағы екі кен байыту фабрикасы: Николаев, Орлов фабрикалары
- Қырғызстандағы Бозымшақ мыс-алтын кеніші

2019 жылы қаңтарда Топ Ресей Федерациясының Чукот автономиялық округінде Баим мыс жобасын сатып алды. Баимская - ашық үлгідегі кеніш негізіндегі мыс өндіру бойынша ірі ауқымды, төмен шығынды тау-кен байыту кешенін құру әлеуеті бар әлемдегі игерілмеген ірі мыс алаңдарының бірі.

Топтың жаңа өндірістік кәсіпорындары – Ақтоғай және Бозшакөл - саладағы өндірістік өсімнің ең жоғары көрсеткішін қамтамасыз етіп, KAZ Minerals-ты ресурстық қорында әлемдік деңгейдегі ашық кеніштері басым компанияға айналдырды.

Ақтоғай – карьер типтес ірі ауқымды кеніш. Ол Бозшакөлге ұқсас. Кенішті пайдаланудың қалған мерзімі (өндірісті кеңейтуді қоса есептегенде) - 25 жылға жуық. Кендегі мыс мөлшері 0,35% (оксидті кен) және 0,33% (сульфидті кен). Ақтоғайда оксидті кеннен катодты мысты өндіру 2015 жылдың желтоқсан айында, ал сульфидті кеннен мыс концентратын өндіру 2017 жылдың ақпан айында басталды. Сульфидті кенді қайта өңдейтін бірінші кен байыту фабрикасының жылдық қуаты - 25 млн тонна. Сульфидті кенді өңдеу көлемі екінші кен байыту фабрикасы 2021 жылдың соңына дейін өндірісті бастағанда 50 млн тоннаға дейін жетеді.

Ақтоғай II

~    2017 жылдың желтоқсан айында сульфидті кенді өндіру көлемін 2021 жылдан бастап жылына 25 млн тоннадан 50 млн тоннаға дейін екі есе ұлғайтуды қарастыратын құны $1,2 млрд жоба мақұлданды.
~    Қазіргі инфрақұрылымның, Ақтоғай КБФ-на және Бозшакөл КБФ-на ұқсас жобаның арқасында тәуекел деңгейі төмен
~    Қосымша 2022 жылдан бастап 2027 жылға дейін жылына 80 мың тоннаға жуық және 2028 жылдан бастап 60 мың тоннаға жуық мыс өндірілетін болады
~    Таза ақшалай өзіндік құн 100-120 АҚШ центі/фунт көлемінде 
~    Кеніштің қалған пайдалану мерзімі - 25 жыл

Операциялық шығындары бойынша Бозшакөл халықаралық мыс өндіруші кәсіпорындар арасында бірінші квартильге кіреді. Оның кен өңдеу қуаты жылына 30 млн тонна кенді құрайды. Кенішті пайдаланудың қалған мерзімі – 40 жылға жуық. Кендегі мыс құрамы 0,36%. Карьер мен кен байыту фабрикалары өндірісті 2016 жылы бастады. Өндіріс көлемі – алғашқы 10 жылда жыл сайын 100 мың тонна катод эквивалентіндегі мысты және 120 мың унция концентраттағы алтынды құрайды.

Баимская - ашық үлгідегі кеніш негізіндегі мыс өндіру бойынша ірі ауқымды, төмен шығынды тау-кен байыту кешенін құру әлеуеті бар әлемдегі игерілмеген ірі мыс алаңдарының бірі.

~    2019 жылдың қаңтар айында Топ $900 млн Баимская мыс жобасын сатып алды (ақшалай қаражатқа және акцияларға).
~    Кенішті игеруге арналған күрделі шығындар 2018-2026 жылдарға $5,5 млрд деп бағаланды
~    Өткізу қабілеті  -жылына 60 млн тонна кен, кеніштің қызмет ету мерзімі - 25 жыл
~    Орташа жылдық өндіріс көлемі - 250 мың тонна мыс және 400 мың унция алтын, жылына мыс эквиваленті бойынша 330 мың тонна
~    Жаһандық шығын қисығының бірінші квартиліндегі операциялық шығындар және өндірістің алғашқы он жылында кендегі металдардың жоғары мөлшері
~    Лицензиялық алаң шегінде одан әрі барлау әлеуеті - шамамен 1 300 ш.км

KAZ Minerals PLC компаниясының акциялары Лондон және Қазақстан қор биржаларында айналымда. KAZ Minerals-та шамамен 16 000 адам жұмыс істейді, олардың басым бөлігі Қазақстан азаматтары.