1977 жылы Украинада дүниеге келді. Жоғары техникалық білімі бар (С.Орджоникидзе атындағы Мәскеу мемлекеттік геологиялық барлау университеті). Еңбек жолында Өзбекстан Республикасындағы Навои тау-кен және металлургиялық комбинатында түрлі лауазымдарда жұмыс істеген. 1997-2008 жылдар аралығында тау-кен шеберінен кен-көлік учаскесінің бастығы лауазымына дейін көтерілген. 2008-2016 жылдары Навои тау-кен және металлургиялық комбинатында карьердің бас инженерінен Орталық кен басқармасының бас инженеріне дейін көтерілген. Комбинаттағы адал еңбегі мен Зарафшан қаласының әлеуметтік өміріне белсенді араласқаны үшін бірнеше рет құрмет грамоталарымен марапатталған. 2006 жылдың желтоқсан айында Өзбекстан Республикасы Конституциясының 14 жылдығына орай Зарафшан қаласы әкімшілік басқармасының грамотасымен марапатталды. 2009 жылдың мамыр айында НТКМК адал еңбегі үшін 3 дәрежелі "Кенші даңқы" төс белгісін иеленді. 2010 жылы Қазақмыс Тобына келіп, аға металлург ретінде еңбек етті. Қайта ұйымдастырудан кейін Бозшакөл және Ақтоғай жобаларын іске асыруға қатысты. Әйелі, екі баласы бар.
Kazakhmys Projects B.V. бас директоры болып қызмет атқарады және Ақтоғай мен Бозшакөл өркендеу жобаларының іске асуын үйлестіреді. Миан Халилдың тау-кен өнеркәсібінде, оның ішінде күрделі жобалардың құрылысын басқаруда 40 жылдан астам тәжірибесі бар. Ол Лахордағы (Пәкістан) Инженерлік-технологиялық университеттің азаматтық жобалау және құрылыс бөлімін тәмамдаған және Стенфорд университетінде (АҚШ) Өнеркәсіптік құрылыстарды жобалау жөніндегі магистр дәрежесін алған. Миан Халил бүкіл әлемдегі тау-кен жобаларын іске асыруға атсалысқан. Оның ішінде Lonmin және BHP Billiton компаниялары бар. Топқа келгенге дейін Миан әлемдегі ең ірі мыс кеніштердің бірі – Эскондиденің 4 кезегін жасауға қатысты.
Ильяс Тулекеев KAZ Minerals Bozymchak бас директоры болып 2011 жылы тағайындалды. Топтағы жұмысын 2006 жылы бастаған. Ол металлургия мен полиграфия мамандануы бойынша ҚазҰТУ (бұрынғы ҚазПТИ), Қаржы және экономика мамандығы бойынша Еуразиялық нарық институтының түлегі және Ресей Федерациясы Президентінің жанындағы Ресей халық шаруашылығы және мемлекеттік қызмет академиясы МВА «Халықаралық бизнес» дәрежесінің иегері. Ильяс Тулекеев Қырғызстанда құқықтық тәртіпті нығайтуға, шекаралық ынтымақтастықты нығайтуға және елдің әлеуметтік-экономикалық дамуына қосқан үлесі үшін медальдармен марапатталған.
Ильсур Даутов «Шығыстүстімет» ЖШС басқарма төрағасы болып қызмет етеді. Бішкек политехникалық институтының Кен-геологиялық факультетін тау-кен инженері мамандығы бойынша тәмамдаған. Ильсур Даутов еңбек жолын 1992 жылы Жезкент КБК бастап, жерасты тау-кен шебері лауазымынан Жезкент КБК директоры (2011 жыл) қызметіне дейін өсті. Оның Шығыс өңіріндегі жерасты өндірісінің барлық сатыларындағы жұмыс тәжірибесі мен өндірістік процесстер жайындағы білімі бар. Ильсур Даутов 2014 жылы «Шығыстүстімет» ЖШС басқарма төрағасы болып тағайындалды.
Эльдар Мамедов «KAZ Minerals Management» ЖШС басқарма төрағасы және KAZ Minerals коммерциялық директоры. Сонымен қатар, ол Заңгерлік және Әкімшілік қызметтерге, Мемлекеттік органдармен байланыс қызметіне басшылық жасайды. Топтағы жұмысын 1996 жылы «Жезқазғантүстімет» АҚ заңгер-кеңесші қызметінен бастаған. 2000 жылы Заңгерлік бөлімнің бастығы болып тағайындалып, Топтың қайта құруына дейінгі негізгі мыс өндіруші бөлімше болған «Қазақмыс Корпорациясы» АҚ директорлар кеңесінің құрамына кірді. 2007 жылы Мамедов мырза Қазақмыс Тобы Заңгерлік қызметінің басшысы болып, ал 2013 жылы коммерциялық директор болып тағайындалды. Ол Е.А.Бүкетов ат. Қарағанды Мемлекеттік Университетінің, Ресей Федерациясы Президентінің жанындағы Ресей халық шаруашылығы және мемлекеттік қызмет академиясының «Халықаралық бизнес» дәрежесі бар түлегі. Эльдар Мамедов Қазақстан Үкіметімен заң шығарудың келесі салалары бойынша қоян-қолтық жұмыс істеді: жер қойнауын пайдалану саласында құқықтық нормативтік актілерді қабылдау процессін құқықтық сүйемелдеу, салық салу, трансферті баға қалыптастыру, қаржы нарықтарын реттеу.
Эндрю Саузам Топтың қаржы директоры болып 2013 жылдың мамыр айында тағайындалды. Ол компанияда 2006 жылдан бастап жұмыс істейді және осы уақыт аралығында Қаржы департаментінде бірқатар лауазымдарда, оның ішінде Топтың қаржылық бақылаушы болып қызмет етті. Эндрю – өзінің мансап жолын, оған листингтік компанияларға аудиторлық қызмет ұсынуға мүмкіндік берген, Deloitte лондондық кеңсесінде бастаған дипломы бар бухгалтер. Компанияға келгенге дейін Эндрю GlaxoSmithKline компаниясының Корпоративтік даму департаментінде жұмыс істеді.
Олег Николаевич Новачук Топтағы жұмысын 2001 жылы бастады және 2005 жылдан бастап Қаржы директоры болып жұмыс істеді. 2007 жылы Топтың Бас атқарушы директоры болып тағайындалды. Бұған дейін «Қазақмыс» ЖШС компаниясында қаржылық жобалар жөніндегі вице-президент, «Қазақмыс» ЖШС президентінің қаржы мәселелері жөніндегі кеңесшісі және «Казпромбанк» АҚ директорлар кеңесінің төрағасы болып қызмет етті.
