KAZ Minerals байланыста / Сұрақ-жауап

KAZ Minerals Тобы қызметкерлерімен кері байланыс арналарын үнемі дамытып отырады.

Басшылыққа арналған сұрақтар

Жалпы сұрақтар

Бозшакөл мен Ақтоғайды іске қосқаннан кейін Шығыстүстіметті Қазақмыс корпорациясына беру жоспарланып отыр ма? Мен корпорация Белоусов кенішіндегі жұмыстарды жандандырады деп естідім.

Топты қайта құру кезінде біз Ақтоғай мен Бозшакөлдің жұмыс істейтінін білдік. Сол себептен оларды іске қосу Шығыстүстіметке ешқандай әсер етпейді. «Шығыстүстімет» ЖШС-нің активтерін «Қазақмыс корпорациясы» ЖШС-не беру жоспарланып отырған жоқ. Белоусов кенішінің кенін біздің кәсіпорындарда қайта өндіру саласында Қазақмыспен серіктестік орнату мәселесін талқылағанымыз рас.  Себебі Белоусов кен орнының жер қойнауын пайдалану келісімшарты Қазақмысқа тиесілі.  

25.03.2016
Ашу
Шахтаның асханасын жөндеу мәселесін жылдамдатуға бола ма? Асханамыз өте ескі және күрделі жөндеуді талап етеді. Ол 40 адамға ғана арналған, ал бізде мердігерлерді есептемегенде 680 адам жұмыс істейді (Ертіс шахтасы, ШҚО )

Ертіс шахтасының асханасын жөндеуге қатысты жобалау жұмыстарына тапсырма жасалды. Мердігерлерден жобаны жасау туралы коммерциялық ұсыныстар да бар. Құрылыс-монтаждау жұмыстарын жүргізу құнының іріленген есебі шығарылды. Барлық ақпарат Ертіс өндірістік кешенінің техникалық және инвестициялық жоспарлау бөліміне тапсырылды. Бөлім тарапынан тиісті қаражат бөлу туралы хат жолдану қажет.  Егер қаржы бөлінсе,  мемлекеттік органдарда бекітілгеннен кейін жоба 2017 жылдың маусым айында дайын болады. Ал құрылыс-монтаждау жұмыстарының мерзімі 2017 жылдың маусым-қараша айларына жоспарланып отыр. 

14.03.2017
Ашу
Теміржол станциясынан Ақтоғай КБК-не дейінгі жолдың жағдайына көңіл аударыңызды сұраймыз (Ақтоғай, ШҚО)

Ақтоғай кентінен/станциясынан – Ақтоғай КБК-не дейінгі жолдың ұзындығы 27,8 км. Кенттен теміржол көпіріне дейінгі 3,5 км жол Аягөз ауданы әкімдігінің  балансында. Әкімдіктің ақпаратына сүйенсек, көпірден АКБК-не апаратын бұрылысқа дейінгі 10,3 км жол «иесіз» екен. Аталған жолды біреудің  балансына берудегі басты проблема – бұл жол Алматы және Шығыс Қазақстан облыстарының шекарасында орналасқан. Сол себепті жөндеуге қаржы бөлу үшін немесе сырттан инвестиция тарту үшін алдымен оны екі облыстың бірінің балансына қою керек. Сондай-ақ, Ақтоғай кенті әкімінің айтуынша, бұл жолды «KAZ Minerals Aktogay» ЖШС-не де беруге болмайды. Себебі бұл кентке апаратын жалғыз жол. Сондықтан оны жеке ұйымдарға беруге тыйым салынған. Ал бұрылыстан өткізу-тексеру пунктіне дейінгі 14 км жол «KAZ Minerals Aktogay» ЖШС-нің балансында және компанияның есебінен және оның күшімен жөнделген. 

14.03.2017
Ашу

Заңгерлерге арналған сұрақтар

Жұмысқа орналасу және еңбек шартын бұзу

KAZ Minerals кәсіпорындарына жұмысқа орналасу үшін қандай құжаттар қажет?

Қазақстан Республикасының заңдарында белгіленген жағдайларды қоспағанда, еңбек қатынастары қызметкер мен жұмыс берушінің арасында Қазақстан Республикасының Еңбек Кодексіне (әрі қарай – Кодекс) сәйкес жасалған еңбек шартының негізінде туындайды. 

Кодекстің  31 бабының 1 тармағына сәйкес еңбек шартын жасасуға қажетті құжаттар:

1) жеке куәлiгi немесе паспорты (он алты жасқа толмаған адамдар үшiн туу туралы куәлiгi) қажет.
      Оралмандар халықтың көші-қоны мәселелері жөніндегі уәкілетті органның аумақтық органдары берген оралман куәлігін ұсынады;

2) ықтиярхаты немесе азаматтығы жоқ адамның куәлігі (Қазақстан Республикасының аумағында тұрақты тұратын шетелдіктер мен азаматтығы жоқ адамдар үшін) не босқын куәлігі;

3) тиісті білімді, дағдылар мен машықтарды талап ететін жұмысқа еңбек шартын жасасу кезінде білімі, біліктілігі туралы, арнаулы білімі немесе кәсіптік даярлығының болуы туралы құжат;

4)  еңбек қызметін растайтын құжат (еңбек өтілі бар адамдар үшін);

5) әскери есеп құжаты (әскери міндеттілер мен әскери қызметке шақырылуға жататын адамдар үшін);

6) алдын ала медициналық куәландырудан өткені туралы құжат (осы Кодекске және Қазақстан Республикасының заңнамасына сәйкес осындай куәландырудан өтуге міндетті адамдар үшін);

7) тұрғылықты не уақытша тұратын жері бойынша тіркелгенін растайтын құжаттың көшірмесі;

8) кәмелетке толмағандар қатысатын білім беру, тәрбиелеу, демалысты ұйымдастыру және сауықтыру, дене тәрбиесі және спорт, медициналық қамтамасыз ету, әлеуметтік қызметтер көрсету, мәдениет және өнер саласында еңбек шартын жасасқан кезде сотталғаны немесе сотталмағаны туралы анықтама қажет.

Жұмыс беруші, Қазақстан Республикасының өзге де заңдарында көзделген жағдайларды қоспағанда, осы 31 баптың 1-тармағында көзделмеген құжаттарды талап етуге құқылы емес.


Қызметкердің келісімімен құжаттардың түпнұсқалары жұмыс берушіде сақталған не Қазақстан Республикасының заңнамасында белгіленген рәсімдерді орындау үшін уақытша қалдырылған жағдайда, жұмыс беруші қызметкерге құжаттарды қайтару туралы жазбаша міндеттеме береді.

15.07.2015
Ашу
Қандай негізде жұмыс беруші менімен еңбек шартын бұза алады?

Еңбек шартын тоқтату негіздері мыналар:

1) тараптардың келісімі бойынша еңбек шартын бұзу;

2) еңбек шарты мерзімінің аяқталуы;

3) жұмыс берушінің бастамасы бойынша еңбек шартын бұзу:

  • жұмыс беруші - заңды тұлға таратылған не жұмыс беруші - жеке тұлғаның қызметі тоқтатылған;
  • қызметкерлер саны немесе штаты қысқартылған;
  • біліктілігінің жетіспеуі салдарынан қызметкер атқарып жүрген лауазымына немесе орындайтын жұмысына сәйкес келмеген;
  • өзінің жұмысын жалғастыруына денсаулық жағдайының кедергі келтіруі салдарынан қызметкер атқаратын лауазымына немесе орындайтын жұмысына сәйкес келмеген;
  • сынақ мерзімі кезеңінде жұмыс нәтижесі дұрыс болмаған;
  • қызметкер бір жұмыс күні (жұмыс ауысымы) ішінде дәлелді себепсіз үш және одан да көп сағат бойы жұмыста болмаған;
  • қызметкер жұмыста алкогольдік, нашақорлық, психотроптық, уытқұмарлық масаңдық (соларға ұқсас) жағдайында болған, оның ішінде жұмыс күні ішінде алкогольдік, нашақорлық, уытқұмарлық масаңдық (соларға ұқсас) жағдай туғызатын заттарды пайдаланған;
  • 7-1) тиісті актімен расталған, алкогольдік, нашақорлық, уытқұмарлық масаңдық күйге түсіретін заттарды пайдалану фактісін анықтау үшін медициналық куәландырудан өтуден бас тартқан;
  • қызметкер, жарақаттар мен аварияларды қоса алғанда, ауыр зардаптарға әкеп соққан немесе соғуы мүмкін, еңбекті қорғау немесе өрт қауіпсіздігі не көліктегі жүру қауіпсіздігі ережелерін бұзған;
  • қызметкердің жұмыс орнында басқаның мүлкін ұрлау (оның ішінде ұсақ ұрлық), оны қасақана жою немесе бүлдіру әрекеті заңды күшіне енген сот үкімімен немесе қаулысымен анықталған;
  • ақшалай немесе тауарлық құндылықтарға қызмет көрсететін қызметкердің кінәлі әрекеттер жасауы немесе әрекетсіздігі, егер бұл әрекеттер немесе әрекетсіздік жұмыс берушінің тарапынан оған деген сенімнің жоғалуына негіз болса;
  • тәрбиелік функциялар атқаратын қызметкер осы жұмысын жалғастырумен сыйыспайтын, адамгершілікке жат қылықтар жасаған;
  • қызметкер еңбек міндеттерін атқаруға байланысты өзіне мәлім болған мемлекеттік құпияларды және заңмен қорғалатын өзге де құпияны құрайтын мәліметтерді жария еткен;
  • егер тәртіптік жазасы бар қызметкер еңбек міндеттерін дәлелді себепсіз қайталап орындамаған немесе қайталап тиісінше орындамаған;
  • Қазақстан Республикасының заңдарында белгіленген жағдайларда қызметкердің мемлекеттік құпияларға жіберілу рұқсаты тоқтатылған;
  • еңбек шартын жасасу не басқа жұмысқа ауыстыру кезінде түпнұсқа құжаттар немесе мәліметтер еңбек шартын жасасудан немесе басқа жұмысқа ауысудан бас тартуға негіз болатын жағдайда, қызметкер жұмыс берушіге көрінеу жалған құжаттар немесе мәліметтер ұсынған;
  • жұмыс берушінің атқарушы органы басшысының, оның орынбасарының не жұмыс беруші бөлімшесі басшысының еңбек міндеттерін бұзуы жұмыс берушіге материалдық залал келтіруге әкеп соққан;
  • қызметкер жүктілігі және босануы бойынша демалыста болған, сондай-ақ егер ауру денсаулық сақтау саласындағы уәкілетті мемлекеттік орган бекітетін еңбекке жарамсыздықтың анағұрлым ұзақ мерзімі белгіленген аурулар тізбесіне енгізілген жағдайларды қоспағанда, қызметкер еңбекке уақытша жарамсыздығы салдарынан қатарынан екі айдан астам уақыт жұмысқа шықпаған жағдайларда бұзылуы мүмкін.
      Өндірістік жарақат алуына немесе кәсіптік ауруға шалдығуына байланысты еңбекке қабілеттілігінен айрылған қызметкердің жұмыс орны (лауазымы) еңбекке қабілеттілігі қалпына келгенге дейін немесе мүгедектік белгіленгенге дейін сақталады;
  • қызметкер сот актісіне сәйкес одан әрі жұмыс істеу мүмкіндігін жоятын сыбайлас жемқорлық құқық бұзушылық жасаған;
  • соттың ереуілді заңсыз деп тану туралы не ереуілді тоқтата тұру туралы шешімін қызметкердің назарына жеткізгеннен кейін ол ереуілге қатысуды жалғастырған жағдайларда бұзылуы мүмкін.
  • 2. Осы Кодексте қызметкерлердің жекелеген санаттары үшін жұмыс берушінің бастамасы бойынша еңбек шарттарын бұзудың қосымша негіздері көзделген.

 4) қызметкердің бастамасы бойынша еңбек шартын бұзу;

      5) тараптардың еркінен тыс мән-жайлар;

      6) қызметкердің еңбек қатынастарын жалғастырудан бас тартуы;

      7) Қазақстан Республикасының заңдарында көзделген жағдайларды қоспағанда, қызметкердің сайланбалы жұмысқа (лауазымға) ауысуы немесе еңбек қатынастарын жалғастыру мүмкіндігін болғызбайтын лауазымға тағайындалуы;

      8) еңбек шартын жасасу талаптарының бұзылуы;

      9) жұмыс берушінің атқарушы органы басшысымен жасалған еңбек шартында көзделген негіздер еңбек шартын тоқтату негіздері болып табылады.

05.01.2016
Ашу
Зейнет жасына жеткеннен кейін компанияда жұмыс жасай аламын ба?

Зейнет жасына жету Сізді еңбек ету құқығынан айырмайды, сондықтан еңбек етуді жалғастыруға кедергі бола алмайды.

05.01.2016
Ашу

Еңбек мәселелерінің ерекшеліктері

Кейде іссапарға байланысты мен өзімнің демалыс күндерімді үйімде өткізе алмаймын (мысалы, бейсенбі ұшып келіп, бір аптадан соң қайтамын). Бұл демалыс күндері жұмыс болып есептеле ме және бұл үшін арнайы ақы төлене ме?

Іссапар - жұмыс берушінің өкімі бойынша қызметкерді тұрақты жұмыс орнынан тыс жерге белгілі бір мерзімге еңбек міндеттерін орындау үшін жіберу, сондай-ақ қызметкерді басқа жерге оқуға, біліктілігін арттыруға немесе қайта даярлауға жіберу. Іссапар кезіндегі қызметкер еңбек тәртібіне бағынады. Мысалы, қызметкер бес күндік жұмыс аптасында, іссапарда болса, демалыс күндерін (сенбі және/немесе жексенбі) тұрақты жұмыс орнынан басқа жерде өткізуге тура келсе және осы демалыс күндерінде еңбек міндеттерін атқармайтын болса (уақытын бос өткізу немесе жұмыс берушінің өтініші бойынша демалыс күндері жұмыс жасамауға келісу), мұндай жағдайда қызметкерге демалыс күндері үшін еңбекақы төленбейді. Бұған қоса, қызметкер тұрақты жұмысқа бара жатқан немесе кетіп бара жатқан жолда болса, осы шартқа кіреді.
Қазақстан Республикасы Еңбек Кодексінің 152 бабына сәйкес,  Іссапар уақытында қызметкердің жұмыс орны (лауазымы) мен жалақысы сақталады.
Іссапарларға жіберілетін қызметкерлерге::
1) қызметтік іссапарда, оның ішінде жолда болған күнтізбелік күндері үшін тәуліктік төлемдер;
      2) баратын жеріне дейінгі және кері қайтудағы жол жүру шығыстары;
      3) тұрғын үй жалдау шығыстары төленеді.

Еңбек туралы заң іссапарда жүрген қызметкер үшін, тіпті демалыс күндері үшін, басқаша айтқанда, жұмыс берушінің заңды құқықтары мен талаптарын бұзбайтын және зиян келтірмейтін жағдайларда, еңбек, ұжымдық келісім немесе жұмыс берушінің актісімен ақы төлеуге тыйым салмайды; Іссапардағы қызметкерге демалыс күндері үшін еңбекақы төлеу не төлемеу арнайы заңдық құқық болып саналмайды, тек коммерциялық күшке ие; ақы төлеу немесе төлемеу жұмыс берушінің өз еркіне байланысты.

 

05.01.2016
Ашу

Аналық

Декреттік демалысқа шығуды жоспарлаудамын. 2013 жыл Еңбек Кодекстің өзгерулеріне байланысты, жүктілік және бала туу және ай сайынғы еңбекақысы 10 ЖТМ-дан (Жалақының төменгі мөлшерлемесі) жоғары қызметкер үшін табыс жоғалтуға әлеуметтік жәрдем төлеудің жаңа жүйесі енгізілді. Менің ағымдағы еңбекақым бұл мөлшерден жоғары. egov.kz сайтында индивидуалды еңбек келісімінде жүктілік және тууға байланысты, қалған бөлік кепілдендірілген әлеуметтік жәрдемақы ретінде жұмыс беруші тарапынан төленеді делінген. Мен бұл бөлімді өз еңбек келісімімнен таппадым. Бұл жағдайда компанияның позициясы қандай?

Компанияның арнайы позициясы туралы Сіз жіберген сұрақ құқыққа қатысты емес. Сондықтан HR бөлімнің қызметіне жүгінгеніңіз жөн.

Жүктілік және тууға байланысты төлемнің ерекшеліктері жайлы Кодекстің 194 бап 1 бөлімде көрсетілген: Егер бұл еңбек шартының және (немесе) ұжымдық шарттың талаптарында, жұмыс берушінің актісінде көзделсе, жұмыс беруші Қазақстан Республикасының міндетті әлеуметтік сақтандыру туралы заңнамасына сәйкес жүзеге асырылған, жүктілікке және босануға, жаңа туған баланы (балаларды) асырап алуға байланысты табысынан айырылған жағдайда төленетін әлеуметтік төлем сомасын шегергендегі орташа жалақысын сақтай отырып, жүктілікке және босануға байланысты демалысқа, жаңа туған баланы (балаларды) асырап алған қызметкерлерге берілетін демалысқа ақы төлейді.

05.01.2016
Ашу

Жалпы сұрақтар

KAZ Minerals компаниясының қызметкері бола тұрып, компанияның заңдық көмегіне немесе эксперттің кеңесіне жүгіне аламын ба? Қандай сұрақтармен және қандай жағдайда жүгіне аламын?

Жеке басқа қатысты сұрақтар бойынша кеңес берілмейді. Заңдық көмек немесе мамандардың кеңесі тұлғалар арасындағы жанжалда көрсетілмейді (мысалы, жұмыс беруші және қызметкер арасындағы қақтығыс).

05.01.2016
Ашу
Кейбір компанияларда басшылық қызметкерлерге пайызсыз қарыз береді. Сіздерде осындай тәжірибе бар ма?

Сіздің сұрақ құқықтық бөлімнің құзыретіне жатпайды. Сонымен қатар, қарыз беру мәселесінің KAZ Minerals Тобының іс-қызметіне қатысы жоқ.

05.01.2016
Ашу

Қызметкерлердің құқықтары мен міндеттері

KAZ Minerals қызметкерлерінің ортақ құқық және міндеттер жинағы бар ма? Бір бөлігі еңбек шартында, бір бөлігі ұжымдық, бір бөлігі еңбек заңнамасында. Компания заңгерлері осының бәрін бір жерге біріктірер ме екен?

Қызметкердің негізгі құқықтары мен міндеттемелері ҚР Еңбек Кодекстің 22 бабында көрсетілген. Кодекстің 28 бабындағы 1 тармақтың 9 тармақшасында көрсетілгендей, еңбек шартында «Қызметкердің құқықтары мен міндеттері» бөлімі болуы тиіс. Сонымен қатар, қосымша міндеттер жұмыс берушінің берген актілері бойынша туындауы мүмкін. Жоғарыдағыларды ескере келе, өзініздің құқықтарыңыз бен міндеттеріңізді толығырақ білгіңіз келсе, Еңбек Кодексі және еңбек, ұжымдық шарттармен танысуға кеңес береміз.

05.01.2016
Ашу

Өтемақылар мен жеңілдіктер

Егер жұмыс орнында денсаулығыма зақым келсе, қандай өтемақы төленеді? Өтемақы мөлшерін белгілегенде, қандай шарттар назарға алынады?

Қазақстан Республикасы Азаматтық Кодексінің 937 бабының 1 тармағына сәйкес, денсаулығына зақым немесе басқа да зиян келген азаматқа алатын немесе алуы мүмкін табысы және денсаулыққа келген зақымға кеткен шығындар (емдеу, қосымша тамақтану, дәрі-дәрмек алу, протездеу, басқа біреудің көмегі, санатория-курорттық емделу, арнайы транспорттық көлікті пайдалану, басқа мамандыққа дайындалу және басқалары), егер денсаулығына зақым келген адам осы көмектерге және күтімге мұқтаж болса және оны тегін алып жатпаса, төленуі тиіс.
Денсаулыққа тигізген зардапқа байланысты шығындар (емдеу, қосымша тамақтану, дәрі-дәрмек алу, протездеу, басқа біреудің көмегі, санатория-курорттық емделу, арнайы транспорттық көлікті пайдалану, басқа мамандыққа дайындалу және басқалары) жұмыс беруші тарапынан денсаулығына зиян келген қызметкерге, Қазақстан Республикасының Еңбек Кодексінде көрсетілген мөлшерде төленеді.
Азамат өтемақы төлемін (ұжымдық келісім немесе нақты келтірілген залал бойынша сақтандыру төлемі) және ай сайынғы алып жүрген және ала алатын еңбекақыны, мына құжаттар болған жағдайда ала алады:

  1. Өндірістегі жазатайым оқиға туралы акт;
  2. Кәсіби еңбекке қабілеттілікті жоғалту деңгейі туралы анықтама;
  3. Эксперттік кәсіби патологиялық комиссияның қорытындысы (нақты ауру жайында);
  4. Жазатайым оқиға туралы хабарлама;
  5. Жазатайым оқиға туралы хабар.

Әрбір нақты жағдай орын алғанда, қызметкердің денсаулығына келген залалдың ауырлығына қарай өтемақының мөлшері белгіленеді.

05.01.2016
Ашу

Қызметкерлерді басқару жөніндегі сұрақтар

Бос жұмыс орындары

Болашақта жұмыс орындары босаған жағдайда қаралатын түйіндемелерді қандай электронды мекенжайға жолдауға болады және ол тұрақты түрде қарала ма?

Түйіндемелеріңізді humanresources@kazminerals.com мекенжайына немесе корпоративтік сайтқа жолдауларыңызға болады. Аталған каналдарға жолданған түйіндемелердің бәрі бос жұмыс орындарына үміткерлер іздеу барысында міндетті түрде қаралады және болашақта босайтын жұмыс орындарына арналған мәліметтер базасында сақталады.

16.02.2016
Ашу
KAZ Minerals Тобында үміткерлерді объективті түрде бағалайтын жүйе бар ма?

Топ құрамындағы әр компанияның жеке, әбден ойластырылған бағалау тәртіптемесі бар. Жүйе үміткерлердің кәсіби білімі мен тәжірибесін, олардың мүмкіндіктері мен деңгейін бағалауға мүмкіндік береді. Бағалау әбден екшелген, сенімді тәсілдерге негізделген. Белгілі бір адамның кандидатурасын бос тұрған жұмыс орнына ұсынатын кезде аталған бағалау тәсілі міндетті түрде ескеріледі.

16.02.2016
Ашу

Корпоративтік мәдениет

Сіздердің компанияларыңыздың корпоративтік құндылықтары бар ма?

KAZ Minerals Тобының 5 корпоративтік құндылығы бар. Ол – қауіпсіздік, ұзақ мерзімді тиімділік, командалық жұмыс, кәсіби даму және адалдық. Бұл құндылықтарды әзірлеу барысында компания қызметкерлері арасында жүргізілген сауалнама негізге алынды. Респонденттер берген жауаптарында дәл осы құндылықтарды жиі атап өткен. Шын мәнінде, оларды біз күнделікті өмірде белгілі бір деңгейде қолданып жүрген қағидалар деуге де болады.

Корпоративтік құндылықтар өз күшіне, әріптестері мен өзі жұмыс істейтін компанияға сенетін, білімін толықтыруға, қауіпсіздік талаптарын сақтауға, өзіне сеніп тапсырылған ресурстар мен қоршаған ортаны қорғауға талпынатын  қызметкерлеріміздің бет-бейнесін қалыптастыруға ықпал етеді. Біздің қызметкерлеріміздің мінезі ашық, жұмысқа жауапкершілікпен қарайтын және ертеңгі күнін ойлайтын жауапты адамдар. Жаңа қызметкерлерді жұмысқа қабылдаған кезде осы құндылықтар міндетті түрде басшылыққа алынады. Біз осы құндылықтарды сақтай отырып, әріптестер, контрагенттер мен реттеуші органдардан да осыны талап етеміз.

16.02.2016
Ашу

Еңбек қатынастары

Қызметкерлерге неше күн еңбек демалысы беріледі?

Еңбек кодексіне сәйкес, жеке еңбек шартында басқаша көрсетілмеген жағдайда Компания өз қызметкерлеріне күнтізбелік 24 күн (жиырма төрт) демалыс береді.

16.02.2016
Ашу
KAZ Minerals Тобында еңбекақы көлемі қайта қарала ма?

Иә, еңбекақы мөлшері жыл сайын қайта қаралып отырады. Қайта қарау барысында ағымдағы еңбекақы, жеңілдіктер, нарықтық факторлар, компания іс-қызметінің нәтижелері, сондай-ақ, компаниямыз бен қызметкерлерімізге әсер ететін түрлі экономикалық факторлар есепке алынады.

16.02.2016
Ашу
Мен өндірістік кешенге жұмысқа орналаспақшымын. Бұрын басқа салада жұмыс істедім. Бастапқы бірер айда жұмыс берушіден қандай көмек күтуіме болады?

Әр компанияда немесе өндірістік кешенде жаңадан келген жұмысшыларға бастапқы бірнеше айда қолдау көрсету тәртібі бар. Қалай болғанда да қызметіңізді атқаруға қажетті білім мен тәжірибені міндетті түрде жинақтайсыз. Жұмысшы мамандығына қабылдау жөнінде өтініш беретін болсаңыз танысу мақсатындағы курстан өтуіңіз керек немесе тәжірибесі мол тәлімгер-маманның қарамағында істеп, біраз нәрсе үйренуге болады. Жұмыс істей жүріп, компания, жұмысшыларға жасалған жағдайлар, сізге қойылатын талаптарды тәлімгерден үйреніп аласыз.

Егер әкімшілік қызметке тағайындалған болсаңыз, жетекші немесе тәлімгердің рөлін желілік менеджер атқарады. Қызметкерлермен жұмыс істеу жөніндегі бөлім бейімделу процесінен өтуге және KAZ Minerals Тобымен, компанияның саясатымен және тәртіптемелерімен танысуға көмектеседі.

16.02.2016
Ашу
Жүктілік пен бала тууға қатысты демалысқа орай жұмыс берішу тарапынан әлеуметтік төлемдер мәселесін қарастыруды сұраймыз. Бұл мәселені «Шығыстүстімет» ЖШС қызметкерлері мен жұмыс беруші арасындағы ұжымдық шартқа қосуды өтінеміз.

Бұл маңызды мәселе 2017-2020 жылдарға арналған ұжымдық шарттың жобасын талқылау барысында қаралды. Сондай-ақ, бұл сұрақ KAZ Minerals Management басшылығына да жолданды. Аталған төлемдер компанияға қыруар қаржылық шығындар әкелетіндіктен балама шешім қабылданды: әйелдерге жүктілік пен бала тууға қатысты демалысқа шығудың алдында ақылы қосымша 10 күндік демалыс беріледі. Осы жағдай «Шығыстүстімет» ЖШС қызметкерлері  мен жұмыс беруші арасындағы 2017-2020 жылдарға арналған ұжымдық шартта да көрініс тапты. 

14.03.2017
Ашу

Тағылымдама

Институттардың соңғы немесе алғашқы курстарының студенттері KAZ Minerals Тобында өндірістік тәжірибеден өте ала ма?

Иә, институттардың соңғы және алғашқы курстарының студенттері өтініш негізінде KAZ Minerals Тобында өндірістік тәжірибеден өте алады. Оған ақы төленбейді.

16.02.2016
Ашу
Менің KAZ Minerals Тобында жұмыс істегенімен 5 жылдан асты. Өз жұмысымды жақсы білемін және өз міндетімді ойдағыдай атқарып жүрмін. Тәжірибе алмасу үшін басқа өндіріс бөліміне барып тәжірибеден өте аламын ба?

Біліміңізді толықтырғыңыз келсе немесе өз білгеніңізбен бөліспек ойыңыз болса компаниямыздың Оқу және даму жөніндегі бөліміне хабарласып, Топ ішінде тәжірибе жинақтауға мүмкіндік беруді өтінуге болады. Бөлім қызметкерлері тәжірибеден өту мүмкіндіктерін қарастырып, аталған мәселе бойынша мүдделі тараптармен келіседі.

16.02.2016
Ашу

Қызметкерлерге жұмсалатын инвестициялар

Компания өз қызметкерлерін дамытуға қаржы жұмсай ма?

Әлбетте, қызметкерлерімізді дамытуға бюджеттен белгілі бір көлемде қаржы бөлініп отырады. Біз  жұмысшылардан бастап, жоғарғы буын басшыларына дейін барлық деңгейдегі қызметкерлерімізді кәсіби тұрғыдан дамытып отыруға күш саламыз. Біз өз қызметкерлеріміздің білікті де, тәжірибелі болғанын қалаймыз. Сондықтан кәсіби біліктілікті арттыру компаниямыз үшін маңызды басымдықтардың бірі болып саналады.

16.02.2016
Ашу

Жемқорлыққа қарсы күрес жөніндегі сұрақтар

Қауіпсіздік техникасы бойынша сұрақтар

Кәсіподақтарға арналған сұрақтар

Жалпы сұрақтар

  • Басшылыққа арналған сұрақтар
  • Заңгерлерге арналған сұрақтар
  • Қызметкерлерді басқару жөніндегі сұрақтар
  • Жемқорлыққа қарсы күрес жөніндегі сұрақтар
  • Қауіпсіздік техникасы бойынша сұрақтар
  • Кәсіподақтарға арналған сұрақтар
  • Жалпы сұрақтар
21.03.2019

Наурыз мейрамы

Демалыс күндер: 21 - 23
7.04.2019

Геолог күні

1.05.2019

Қазақстан халқының бірлігі күні

Демалыс күндер: 1
9.05.2019

Жеңіс күні

Демалыс күндер: 9
31.05.2019

Құрбан айт

Демалыс күндер: 31 - 1
5.06.2019

Эколог күні